.jpg)
جمل سينمائية يمكن كتابتها على مؤخرة الميكروباصات و التكاتك
من كتاب عمر طاهر "ابن عبد الحميد الترزي - ألبوم سينمائي ساخر"
عليكي لعنة الفلاح ..... خديها من فلاح ابن فلاح (يوسف وهبي - الأفوكاتو مديحة)
شعبي يقول عليا ايه (أحمد زكي - السادات)
هي الجيوش العربية هتظهر امتى ؟ (محمود الجندي - ناجي العلي)
ماشي يا بني آدمين (محمد سعد - اللنبي)
نزل ايدك يا خال ... دم هنادي بينقط منهم (فاتن حمامة - دعاء الكروان)
كلكم أقطاي (تحية كاريوكا - وا إسلاماه)
عالم وسخة (محمود عبد العزيز - الكتكات)
قول ورايا يا يحيى ... مصر هتفضل غالية عليا (محسن محيي الدين - وداعا بونابرت)
إنهم جياع يا عظمة السلطان (الناصر صلاح الدين)
كنت مغفلا (عبد المنعم مدبولي - الحفيد)
دقيقة واحدة تفرق يا آمال (زكي رستم - نهر الحب)
الحشيش لو حلال آدينا بنشربه لو حرام آدينا بنحرقه (نور الشريف - العار)
أنا حاسس إن ربنا بيعذبني في الدنيا عشان شايلي فرحة كبيرة قوي في الآخرة (حسين فهمي- الأخوة الأعداء)
يالك من شنقيط (عبد المنعم إبراهيم - إسماعيل يس في الأسطول)
الكونياك ... مشروب البنت المهذبة (استيفان روستي)
قدام متكهرب (أشرف عبد الباقي - على جنب يا أسطى)
الغازية لازم ترحل (البوسطجي)
ابن الجنايني بقى ظابط يا إنجي (أحمد مظهر - رد قلبي)
جاتكم القرف مليتو البلد (هنيدي - جاءنا البيان التالي)
انتي أجمل مكنة شفتها في حياتي (فؤاد المهندس - عائلة زيزي)
ماتبسطهاش أكتر من كدا (عبد السلام النابلسي - شارع الحب)
حمرا (أحمد حلمي - ظرف طارق)
ازاي أولاد الحاج عبد العال ما يعرفوش أصول التخزين ؟ (العار)
يا ريت كل واحد يقول لي في التعليقات عن أكتر جملة ممكن يستخدمها لما ربنا يفتح عليه و يشتري تك تك !
Subscribe to:
Post Comments (Atom)
10 comments:
كنت مغفلا عبد المنعم مدبولي - الحفيد
جاتكم القرف مليتو البلد هنيدي - جاءنا البيان التالي
دقيقة واحدة تفرق يا آمال زكي رستم - نهر الحب
حلوين دول يلا ربنا يوعدنا جميعا
بس انا بقي هاكتب عليه
"يا ناس يا عسل الفانكوش وصل" :P
سلام
طيب وانت ليه مهتم كده بالتكاتك والميكروباصات يا دكتور؟
عموما انا التكاتك دي ما كانتش على ايامي يعني ما اوعاش عليها
اقلك ما دام الموضوع في دماغك ممكن تعمل مشروع استكرز تكاتك وميكروباصات واهو حتى تعمل منه شوية فلوس، صحيح ينفع ده مشروع في مصر ولا لأ؟
على فكرة والله فكرة حلوة يعني هنا الستكرز بتاع العربيات دي موجودة في المحلات وعليها معاني كتير من اول حكم عميقة بجد لحد تعبير عن اراء سياسية زي مثلا
support out troops, bring them home
او اي حاجة ممكن حتى شتيمة في بوش مثلا اللي انت عاوزه
طبعا في مصر ما ينعفش تدخل في الذات الرئاسية علنا كده ولا حتى الذوات الاخرى التابعة
عموما ادي شوية من تأليفي
انا مصري ما يهمنيش الزحام
لاني ابن الاهرام
وسع وسع للميكروباظ
ما كله في مصر خرب وباظ
يا ابو الهول هتتكلم امته
وترجع من امجاد الماضي حته
مفتاح الحياة
هو بتاع زكي رستم دا يبقى جامد لو زودتي انتي عليه ...... صضقيني
;)
شدو بك
طبعا هيبقى مشروع عظيم ، انت مش هتقدر تتخيل كمية التكاتك في قرى و نجوع الوطن دلوقتي ،و الجمل دي فعلا منتشرة بشكل رهيب و بتبان فيها حكمة و عبقرية الشعب المصري الشقيق ، هبقى أعمل لك ملف بالصور عشان تشوف
;)
;كل عام وانت بخير
دقيقة واحدة تفرق يا آمال :)
Assalamu Alaikum Brother
Sorry for late reply, I have just noticed that you passed by my blod, I was quite busy and had no time to check the blog in fact but it was nice to see your comment and hope the blog is of any benefi. By the way, do we know each other from before,,,have we ever met. Anyway, hope we be in touch
Ahmed Saad
عمرو باشا
خلاص دي محجوزة :)
أحمد سعد
انت تيجي في أي وقت يا مولانا :)
أنا ما أعتقدش إننا نعرف بعض ، رغم إني حاسس إن شكلك مش غريب ، انتو ليكم حد في المنصورة ؟
على فكرة أنا نسيت قول أنا أختار ايه للتُكتُك الخصوصي بتاعي
"إنهم جياع يا عظمة السلطان" -
و طبعا انتو عارفين مين هو السلطان
;)
هههههههههههههه
أخيرا اخويا هيشتغل فى التكاتك والبلية تلعب فى ايدينا ونغتني بقي
عامة أنا هأستنى منك تكتك هدية فى عيد ميلادي القادم :D
وهأكتب عليه حاجة جديدة خالص
"والغدارة والغدارة وحبيبتي هي الغدارة"وأنت فاهم بقي :D
سلام يا باشا
sure i will go for:
de2e2a wa7da tefre2 ya Amal
3shan el rez2 ye7eb el 5efeya
and:
el koniak mashroub el bent el mohazabah
de b2a 3ashan el gomla damaha 5afif
w 2alf mambrook 3la el TOKTOK moqadaman
أختي سارة : بلاش أقول لهم على الغدارة و انت فاهم و أنا فاهم
على فكرة يا مجهول أخويا مرة شاف جملة حقيقية على ميكروباص بتقول
لو كان الرزق بالسرعة ، ماكانش حد عداني
عشان تعرفو المصريين الحويطين ماكانوش بيصضقو كلام زكي رستم ولا آمال
Post a Comment