.jpg)
منذ كنت طفلا وهذه الأغنية دوما قادرة على هزي من الداخل ، لا أعرف كيف أصف لكم شعوري عندما سمعتها في حفلة تخرج أخي الأسبوع الفائت لكني كنت جد سعيد باستعادة نفس الشعور القديم
بإسمك يا بلدي
حلفنا يا بلدي
بجيشك و شعبك
نرد التحدي
أرضك و زرعك
شمسك و قمرك
شعرك و نغمك
بنيلك و هرمك
حبك وسحرك
ليلك وكرمك
فى نخلك و طرحك
فى صبرك وسهرك
خذوا اسمعوها معي
http://www.4shared.com/file/39607365/2515f6b1/____.html
يا ترى لسه فاكر طابور الصباح دا و انت في أمريكا يا عم شدو ؟
22 comments:
مع احترامي الشديد للاغنية ومؤلفها ومغنيها الذين لا اعرفهما .. الا انها لا تهزني ولا تتدغدغني حتى .. بعض الاغاني الوطنية الجديدة (بتاعة الحزب الوطني)من عينة مشربتش من نيلها تؤثر فيا مع عدم اقتناعي بها للاسف
اغنية بحبك وحشتيني رغم ان من يؤديها ليس مصري لكنها تؤثر فيا خصوصا وانها مش من الاغاني بتاعة الحزب
ولولا اختلاف الاذواق لبارت الاغاني !!!ا
يا عم ميكو ، طب خلي عندك حتى شوية ولاء لنشيد الصباح اللي اتهريت بيه ، ولا انت طفولتك في سوهاج كانت بائسة للدرجة دي ؟
بس نيلها دا مش موجود في أمريكا ، كانت تقول ما شربتش من المسيسيبي أحسن ولا كانت هتاخد معاها قزازة ميا للبيبي ؟
خد شوية الكتب اللي هنا دي هدية ليك يا ميكو ، رغم إنك ما تستاهلش قوي
http://www.eltareek.com/coptic_books.htm
احنا بيتنا يطل على ساحة الثانوية و من مدة كنت واقفة مع ماما نتفرج عليهم " احنا نسميها في الجزائر تحية العلم" احنا كنا نحب الوقفة و نحي العلم بقلوبنا في حين اكثر من نص الي شفتهم واقفين مش حافظين النشيد
احنا نختلف عنهم بزاف كنا نقولوا "وعقدنا العزم ان تحيا الجزائر.. فاشهدو" و هما حسيتهم يقولو في قلوبهم "وعقدنا العزم ان نرحل من الجزائر..فاشهدوا"
ما حلاها هذيك الوقفة
فكرتني بأيام الصبا وتحيه العلم وكل الاغانى الوطنيه عموما بحس بيها ودلوقتى اكتر كمان لأن الي بنغنيلها تقريبا مش فاضل منها حاجه
سلام
بقى كنتي بتقفي تحيي العلم من البلكونة يا هناء ، ايه الأصالة دي كلها ؟
مفتاح الحياة
لأ فاضل ، أنا عندي كم طن حديد كنت مخزنهم لوقت زنقة ، نقدر نبيعهم و نروح نشرب من المسيسيبي ;)
فيه سؤال لغوي يا هناء ، انتي قلتي "كنا نقولو" لإنك بتتكلمي عن جمع في العامية الجزائرية ، يعني ما ينفعش تقولي "كنا نقول" للجمع ؟
مش عارف ليه ذكريات طابور الصباح دي ممحية تماما من ذاكرتي
مش فاكر كنت بسمع فيها فيه
بس الاغنية دي طبعا اغنية عبقرية
مش بس الكلام ده الكلام والموسيقى
بس للاسف الاغاني دي اجمل كتير من الواقع
يا ريت الاحاسيس اللي فيها دي تبقى عند قول تلاتين في الميه بس من المصريين
ما كناش نبقى كدا
انا كمان بحب اوبريت الارض الطيبة
فيه شوية مقاطع كده عبقرية وخالدة
:)
الحمد لله يا شدو إنهم ما قدروش يضحكو عليك بأغاني الحزب الوطني الجديدة زي ميكو كدا ، ميكو اللي اتضحك عليه يا جدعان !
لا ما ينفعش ،بالجزائري كنا نقولو مش كنا نقول
تصحيح ما كنتش نحي العلم من البلكونة كنت نتفرج عليهم لان بيتنا يطل على الثانوية
أنا خمنت كدا يا هناء ، تصوري نفس الشيء في لغة مالطا ، كنا نعيد أو نقول للمفرد و كنا نقولو للجمع
والله فكرتنا بأيام زمان أيام ما كنا بنحس بحلاوة الكلمات من غير ما يشغل بالنا شئ لكن دلوقتى أعتقد صعب نحس نفس الإحساس من تانى فى حاجات كتيرة فى بلدنا اتغيرت وفينا احنا كمان
بابك لعالم الترفيه
http://the-funny-place.blogspot.com/
كنا بنقول النشيد ده في طابور الصباح :)) كنت فاكرة ان مدرستنا بس اللي بتعمل كدة.
لا اعرف ...مشاعري تجاه مصر مشاعر حب شديد و كراهية في نفس الوقت...نوع من الحب اللي اشبه بالمرض النفسي لاختلال بعض الجوانب فيه...فانا احب تلك الاناشيد و لا احبها في الوقت نفسه.
ما علينا..انا حاليا قدامي صورة الطابور كانه امبارح
كتير من المصريين في الأيام السودا اللي احنا عايشين فيها دي بقو زي ما عمنا صلاح جاهين كدا قال بيحبوها و يلعنو أبوها بعشق زي الداء ، بس هنعمل ايه بقى ، نحمد ربنا إننا عارفين سر مشكلتنا على الأقل ، كرش حسحس الكبير ، ناقص بقى نشوف حل تفاوضي مناسب معاه
أنا أول مرة أسمع عنها معرفش ممكن عشان طول عمري عايشة بره مصر
تحياتي
ياااااااااااه فكرتنى بايام المدرسه وكمان ايام اعدام ميت ومأساه طابور الصباح بس مش هو احنا كنا بنغنى اغنيه تانيه اما الاغنيه دى كنا بناخدها فى حصة الموسيقى يلا اختلاف اجيال
بس عموما بعيد عن الطابور وحصه الموسيقى هى من الاغانى الوطنيه اللى الواحد بيحس بيها اوى
سلام
فكرتنى فعلا والله بالطابور بصراحة وحشنى جدااااااااا
بس احنا كنا بنقول اغنية تانية خاااالص
بلادى بلادى
هههههههههههههه
بس انا فاكرة انى كنت بحب احيى العلم بحماس قوى جدا
يمكن لان هو اخر حاجة فى الطابور ودا اللى بلحقه لانى كنت بوصل متاْخرة
دى اول زيارة لى لبلوج حضرتك وان شاء الله مش تكون الاخيرة
وميرسى على البوست دا
زنوبة
آديكي سمعتي يا ستي ، مرحبا بك في أرض الوطن
عيون حبوبة
بس ايه علاقة إعدام ميت بالموضوع ، مش معقول فرقتكم الموسيقية كانت متطورة للدرجة دي ، احنا كانو هما سيد زعلوكة و إبراهيم سيكا اللي بيعزفولنا الحاجات دي بالعافية
وراء النجوم
تقريبا انتي لسه على نفس عادتك القديمة في الوصول متأخر ، دانا كنت يادوب لسه بفكر أشيل التدوينة كلها :p
أنا بهزر طبعا ، دي مزحة أول زيارة ، إن شاء الله مش أخيرة
الموسيقى راقتني وأمتعتني..يسلم دوقك..
يا هلا بروائح المغرب العربي كله ، إن شاء الله تردهالنا في حاجة لناس الغيوان ولا فتح الله المغاري كدا ;)
أنا أول ماقرأت الكلمات سمعت اللحن في
وداني
صدقني ملهاش طعم دلوقتي
ياحظ اللي سمعها ساعة الحرب
بس بصراحه لما بشوفها في التلفزيون
عنيا بتدمع ومبعرفش ابلع ريقي
أعمل أيه مش بمزاجي ده غصب عني
مصري بالفطره من يوم متولدت
يارتني كنت معاهم في 73
يارتني
Post a Comment